हरा भरा म्हारा हरियाणा
सदा रै हरा भरा यों म्हारा हरियाणा
ऊपर अम्बर कि छाया,
निचे धरती पे बना रै सदा भाईचारा
हरा भरा रै म्हारा हरियाणा.....
उठे झाल बदन मे
देख खेता के म्ह हरियाली
मन खुश होजा देख कै नै
बॉडर पे जवान म्हारा
अर खेता मे किसान म्हारा
हरा भरा रै म्हारा हरियाणा.....
बीरा की तो वा झलक कै प्यारी सै
दामन कुर्ता पहर कै चाल्य
अर ओढ़ कै नै वा घोटे आली चुदड़ी
डट डट कै नै पग धरै सै
फेर उठे वा लहर दामन कि
हरा भरा रै म्हारा हरियाणा.....
मर्दा का तो वो ढीठोरा ये न्यारा सै
निचे धोती ऊपर कुर्ता
सर पै रह सदा मान वा पगड़ी
बोली मे सदा अकड़ रै सै
पर लागे सै घणी प्यारी
हरा भरा रै म्हारा हरियाणा.....
खेल कबड्डी कुस्ती मे
नंबर 1 सै म्हारा हरियाणा
हर मैदान मे आगे पावे
छैल घाबरू हरियाणा कै
भगवान तेरे तै बस या ये दुआ सै
बना रै सदा म्हारा यों ये रुतबा
हरा भरा रै म्हारा हरियाणा.......
🌹🌹🙏🙏🌹🌹 Nite Dalal Kuhar
Nice
जवाब देंहटाएंThank you😍😍
जवाब देंहटाएंBhut Sundar
जवाब देंहटाएंThank you
जवाब देंहटाएं